Хрватската пејачка Северина „го запали Травник“ со енергичен настап за кој носеше креација од Јурај Зигман, дизајнерот кој го создаде нејзиниот костим за новогодишната ноќ во Сараево, а кој облече и некои од најголемите светски ѕвезди.
View this post on Instagram
Пејачката сподели фотографии на социјалните мрежи на кои го покажа ова уникатно парче облека. Костимот се состоеше од тексас корсет со проѕирни делови што го истакнуваа нејзиното деколте.
Имаше и сребрени ресни и розови врвци со кои беше прицврстена одзади, а ресни висеа од напред и одзади. Овој разигран костим беше комплетиран со јакна исто така направена од тексас, а имаше и сребрени детали и сребрени реси што висеа од ракавите.
View this post on Instagram
Таа го заокружи изгледот со сребрени високи потпетици и транспарентни мрежести чорапи.
„Се телепортиравме директно од Опатија во Травник. Благодарност до светскиот и наш Зигман и до светската и наша Катија Шимундиќ за овој сензационален костим“, рече Северина.
Инаку, креациите на Зигман ги носеа и бројни светски ѕвезди како што се Бијонсе, Рита Ора, Меган Ти Сталион и Карди Би.
