Братот на српскиот тенисер Новак Ѓоковиќ, Ѓорѓе и неговата сопруга Сашка Веселинов го прославија вториот роденден на синот Александар, а снимката од прославата трогна многумина.
Семејството Ѓоковиќ годинава роденденот на својот наследник го слави во Франција, поточно во Дизниленд, каде малиот Александар беше воодушевен што имаше можност да ги види омилените ликови од цртаните филмови. Него го пречека и торта „Мики Маус“ со круна одозгора и свеќа.
Годинава свеќите ги дувна со баба му, мајката на Сашка, која на истиот ден слави роденден. Малиот Александар бил елегантно облечен и видно расположен, а неговите горди родители не ја криеле среќата поради нивниот син.
„Моето големо момче наполни две години“, напишала Сашка на социјалните мрежи.
Инаку, синот на Ѓорѓе Ѓоковиќ и Сашка Веселинов е најмладиот член на семејството Ѓоковиќ. Сепак, како и секој член од семејството, тој мораше да земе рекет и да се испроба во спортот, во кој неговиот чичко Новак пишува историја.
