Српската фолк пејачка Сека Алексиќ одлучила да смени сè во домот во Пазова и, како што пренесуваат медиумите, буквално срушила половина куќа.
Вилата која Сека ја изгради пред речиси една деценија сега се урива. Пејачката решила да го дочека летото во комплетно реновирана куќа. Додека мајсторите се сега во екот на работата, таа одлучила со семејството да отпатува на Копаоник, за да ја избегне прашината и најинтензивната работа.
– Вељко и таа веќе долго време разговараат за тоа дека би било добро малку да се преуреди просторот за живеење. Затоа го повикале архитектот и му ги изразиле своите желби. По неколку недели беше направено идејното решение и двајцата ги одобрија работите. Тие сакаат целосно да сменат некои соби, во бањите и кујната ги менуваат плочките и комплетниот дизајн на сè. Решија малку да ги сменат боите во куќата, па новата санитарна опрема и новите плочки ќе имаат сосема поинаков дезен од претходно – вели добро упатен извор.
Цената на ова реновирање воопшто не е мала, наводно ќе изнесува околу 80.000 евра. Во таа цена се вклучени само градежните работи, санитарната опрема, плочките, а некои делови од мебелот допрва ќе се купуваат. Сека и Вељко имаат идеја да направат зимска бавча во еден дел од куќата. Имено, минатото лето во дворот направија буквално оаза покрај нивниот базен, а бидејќи зимата е студена, одлучија ова реновирање да го искористат да направат дури и зимска градина во која ќе можат да уживаат во текот на зимата, како што уживале на отворено во текот на летото.
Затоа, ова реновирање ќе биде завршено многу брзо, па тие ќе можат да уживаат во благодетите на зимската градина додека трае зимата. Нивната куќа сега е целосен хаос, па секој момент го користат за да бидат надвор. Луѓето кои ги посетуваат велат дека куќата била многу убаво уредена и дека двајцата се одлични домаќини. Меѓутоа, кога сето тоа ќе биде готово, гостите ќе бидат целосно воодушевени од она што го гледаат и од она што двајцата го смислиле.
Инаку, куќата на Сека Алексиќ вреди околу 500.000 евра.
Во својот двор има базен, џакузи и кокошарник кој ги добила од сопругот Вељко Пиљикиќ за роденден.
