Хрватската водителка и новинарка Фани Стипковиќ се породи на 42-годишна возраст и на свет донесе син на кој гордите родители му го дадоа името Николаос Валентино.
Фани пред еден месец се омажи за поранешниот шпански фудбалер Фернандо Јеро, а сега гордите родители објавија на Инстаграм фотографија од породилиштето и го претставија наследникот на своите следбеници.
View this post on Instagram
„Сине, ти благодарам што нè избра за твои родители. Дојде да нè научиш многу работи и затоа ти ветуваме дека никогаш нема да ти ја пуштиме раката, бидејќи денес ние повторно се родивме со тебе“, напишала Фани, која претходно раскажала за хрватска „Глорија“ дека едвај чека да се оствари во улогата на мајка.
„Мислам дека ќе бидам грижлива мајка и ќе се трудам да го воспитам мојот син како што ме воспитале моите родители – да биде самостоен и свој и да не се чувствува привилегиран. Сакам да ја разбере вредноста на секое нешто што ќе го добие и дека ништо во животот не е сервирано на чинија“, истакнала Фани.
View this post on Instagram
Водителката и нејзиниот сопруг на наследникот му го дадоа името Николаос. Тоа име е од грчко потекло кое потекнува од „nike“ = „победа“ и „laos“ = народ. Значењето на името – народот победува.
