Поранешната љубовница на српскиот пејач Мирослав Илиќ, Мирјана Антоновиќ, која со години е на суд со пејачот, пристигна во Белград на закажаното рочиште, пишува „Република.рс“.
Таа на својот профил на Фејсбук објави дека допатувала од Америка во Белград, а веднаш по слетувањето доживеала драма.
„Пристигнавме во Белград. Дајана, Дејвид и јас. Веднаш почна метежот со изгубените куфери. Сè уште не можат да ги најдат“, напишала Антоновиќ во саботата.
Инаку. Мирјана со години се обидува по судски пат да докаже дека Мирослав Илиќ е биолошки татко на нејзиниот син.
Да потсетиме, Мирјана е добра пријателка со Лепа Брена, која и е голема поддршка во долгиот процес на докажување на татковството на нејзиниот син. Речиси секогаш кога Антоновиќ доаѓа во Србија, таа престојува кај пејачката во вилата на Бежанијска коса. Брена на судењето сведочеше и дека пејачот е татко на Девин.
Пред неколку месеци, Антоновиќ и Илиќ се сретнаа лице в лице на рочиштето, каде првпат еден на друг си упатија зборови по долгогодишниот конфликт. Рочиштето потоа траеше дури три часа, по што Мирослав насмеан и расположен ја напушти судницата. Сепак, Мирјана даде кратка изјава за тоа што се случило пред да влезат во судницата.
– Поминувајќи ми рече: „Што ме гледаш Антоновиќ“. Гледам какви глупости правиш, кога ќе престанеш. Олади малку – открила тогаш Антоновиќ.
