Хрватската водителка Николина Пишек живее во вила од два милиони евра во Хрватска. Нејзиниот паметен дом е вистински престиж и луксуз, како и дворот со голем базен.
Сепак, таа сега откри каков проблем имала и дека поминала низ вистинска агонија поради базенот што го поседува.
– Загреб има повеќе од 3.000 приватни базени и сите изгледаат фантастично на фотографиите. Но, што се случува зад сцената? Сопственоста на базен не е само луксуз – туку е и одговорност. И како. Имам прекрасен мозаичен базен, естетски совршен, но бара многу. Мозаикот е луксуз, но бара редовно чистење бидејќи алгите сакаат да се кријат во споевите. Од друга страна, базените со фолија се полесни за одржување, но и почувствителни на оштетување. Каменче или остар раб на играчка е потенцијален проблем – објасни Николина и додаде:
– Неодамна имав мала незгода. Сондата ми покажа лоша pH вредност, а киселата вода е опасност од корозија на цевките. Детско лижавче заглавено во неповратниот вентил, протекување на вода и паника. Да немав експерт за базени, не можам ни да замислам што можеше да се случи.
