Симона Поповска на втората вечер на Макфест се појави во ангелска креација на модниот дизајнер Златко Јовановски – JZJ, со мини должина, пердуви и крилја во светло-кафена нијанса, а модот изглед го заокружи со соодветни светкави чевли на висока потпетица.
Згодната Охриѓанка се врати на музичката сцена во полн сјај, откако се омажи и роди две деца поради кои направи пауза од музиката. За себе вели дека е Охриѓанка од Скопје.
Колку често одиш во Охрид?
– Искрено да ви кажам не често зашто поради обврските не можам. Во Скопје сум од 2010 година, студии, работа..
(За оние кои не се во тек, оваа убавица не е моделка туку докторка по дерматовенерологија, вработна на Кожената клиника во „8 септември“ во Скопје).
Имаш ли естетски корекции на лицето и телото?
– Секако, на себе имам ботокс и имам филер на усните за зголемување. Само толку интервенции сега за сега.
Доколку имаш потреба за коркција на гради, би го направила тоа?
– Да, секако, јас сум дел од тоа, сметам дека денес треба да се оди напред и во чекор со медицината, зашто ако имаме можност да направиме некоја естетска корекција на себе и да го застанеме времето, посебно ние жените, зошто да не го направиме тоа.
Претходно направи подем во кариерата, а потоа еден период се повлече од сцената, зошто?
– Поради две златни дечиња, Никола и Стефан.
Се омажи за сопственикот на бутикот „Сињори“, колку брачниот стстус ти донесе промена на професонален план?
– Секако дека да. Особено бременоста, кога мораме да се повлечеме и да уживаме во тие денови зашто не се враќаат. Не жалам воопшто за тоа што сум направила пауза и буквално го искористив тој момент, како корона карантин, значи бев дома. А во однос на тоа колку бракот ме смени, можам да кажам дека добро е што и мојот сопруг е од шоубизнисот, па затоа и ме разбира и ме поддржува во сè ова што го работам и правам, инаку не би биле заедно. Затоа што не сум жена која би можеле да ја затворите дома, која би можеле да ја отргнете од активностите…темпераментна личност сум која е научена секогаш да работи, да имам обврски и да одам на некое повисоко ниво и скалила.
Кога сме кај следното ниво, кои ти се следните соништа?
– Следните соништа ми се да направам албум, но онаков каков што јас сакам, со оние песни коишто мислам дека се за мене. И да напрвам концерт во иднина.
Концерт во Скопје, или целиш кон прострите на поранешна Југославија?
– Па прво, би кажала, за домашната публика, затоа што сакам тие да ме прифатат онака како што сум замислила, па потоа се разбира ќе целам и кон повисоки скалила.
