Актерката Моника Белучи и режисерот Тим Бартон беа мета на папараците кои ги „уловија“ во Лондон како се држат за раце излегувајќи од ресторан каде биле на романтична вечера, пренесува Дејли меил.
Моника Белучи (58) и Тим Бартон (64) се држеа за раце додека излегуваа од ресторан во центарот на британската престолнина.
Актерката беше облечена во црн костум, и црни сандали со високи потпетици украсени со леопард принт, додека нејзиниот љубовник исто така беше облечен во црна модна комбинација.
За прв пат, за врската на Моника Белучи и Тим Бартон се шпекулираше во март 2023 година, откако францускиот весник Paris Match објави фотографија од „уловените“ ѕвезди во Париз, на насловната страница. На крајот на јуни, актерката даде долго интервју за магазинот Ел Франција, во кое потврди дека излегува со режисерот.
„Што да кажам… Пред се, мило ми е што го запознав овој човек. Ова е едно од оние познанства што ретко се случуваат во животот. Го познавам овој човек, го сакам“, изјави неодамна Белучи.
Пред романсата со Тим Бартон, Моника Белучи беше во брак двапати – со фотографот Клаудио Карлос Басо и актерот Винсент Касел. Од вториот брак, актерката има две ќерки: 12-годишната Леони и 18-годишната Дева.
