Марија Шерифовиќ сподели емотивна фотографија со својот син Марио, што предизвика лавина од реакции на социјалните мрежи.
Имено на фотографијата, Марија се лула со својот син во раце на лулашка во паркот, додека двајцата уживаат во заедничките моменти.
Малиот Марио, кој ќе наполни две години во декември, беше облечен во тегет облека, а многумина забележаа колку многу пораснал. Марија не ја тргна насмевката од лицето, а нежниот момент снимен од камерата покажа колку е посветена на мајчинството.
Да потсетиме дека пејачката го доби својот син со помош на сурогат мајка, а малиот е роден на 2 декември 2023 година во клиника во Лос Анџелес. Оттогаш, Марија не крие колку многу ѝ се променил животот.
Во последно време, Марија донесува големи животни одлуки – неодамна објави дека се повлекува од жирито на „Ѕвезда Гранда“ по десет години.
