На нејзиниот 96-ти роденден, најдолговечната кралица во историјата (70 години владеење) беше фотографирана покрај коњите – животни кои заедно со кучињата корги- најмногу ги сака во светот:
Снимката, објавена на Инстаграм профилот на кралското семејство, е направена од фотографот Хенри Далал минатиот месец во паркот Виндзор и е нарачана Ројал Виндзор Корс, со цел да го прослави платинестиот јубилеј и 96-годишнината на кралицата Елизабета. Симболична слика: од 1943 година кралицата никогаш не пропуштила коњски трки.
Кралицата на фотографијата позира, како и секогаш, со блага насмевка. Усните ѝ се само прекриени со многу природна нијанса на кармин. Белата коса ѝ е фиксирана со лак. Таа стои меѓу два чистокрвни бели коњи на кои им ги држи уздите. Облечена е во елегантна црна нијанса, во комбинација со пар рамни чевли. Како што знаеме, Елизабета Втора има асистент кој ѝ ги омекнува чевлите за да избегне непријатност во стапалото.
Инаку, кралицата е голем љубител на кармини. Се вели дека во нејзината чанта секогаш носи кармин со светли нијанси – розова или циклама.
Страста кон коњите е позната уште кога го добила првото пони како дете. Да не станеше кралица, таа секогаш нагласуваше дека би сакала да живее на село со коњи и корги.
Во моментов има коњи од Виндзор Греј, одгледувани од кралското семејство од 19 век, и коњи од заливот Кливленд.
View this post on Instagram
