Српската водителка Јована Јеремиќ денеска од белградскиот аеродром „Никола Тесла“ замина за Америка, од каде во живо ќе известува од претседателските избори, пишува „Телеграф.рс“.
Јована на аеродромот пристигна со луксузен Ролс Ројс, придружувана од нејзиниот партнер Драган Станковиќ, а нејзиното појавување привлече внимание поради впечатливиот стил на облекување.
Јована била облечена во розов комплет во стилот на поранешната прва дама на Америка, Џеки Кенеди, со препознатлива капа и бели ракавици.
Инспирацијата ја пронашла во познатиот розов комплет на Џеки Кенеди, кој поранешната прва дама го носеше во текот на трагичниот ден на атентатот на својот сопруг, претседателот Џон Кенеди, во Далас во 1963 година.
Пред заминувањето, Јеремиќ емотивно им се обратила на присутните:
– Ова ќе биде едно големо искуство, чувајте ми ја мојата утринска програма до Митровден. Мене сè ми се случувало на празник, вчера бев во црквата Света Петка, го замолив Бог да нè поддржи. Никогаш никому не сум украла ничиј маж, ниту работа, ништо, сама си го трасирав патот и им помогнав на другите, нека Господ го отвори патот на нашата екипа. Јас сум многу емотивна кога зборувам за ова, успеав во нешто што никој не успеал во дипломатијата. Нека биде според заслугите и како што Господ вели, а јас ќе дадам сè од себе. Јас првпат ја оставам својата програма, не сум пропуштила ниту еден викенд. Не ме озборувајте, не ве озборувам ниту јас вас! Се враќам на 8 ноември, работам на 9 ноември, ја водам утринската. Србија, врзи се, полетуваме директно во историјата. Денеска ќе биде моето вклучување околу 23 часот, ќе се јавам од Ноќта на вештерките, тоа го тресе Њујорк, ќе дознаете вечерва. Србијо, врзи се, полетуваме во историјата! – порачала Јована пред полетување.
Фотографиите од Јована Јеремиќ при пристигнувањето на аеродромот можете да ги погледнете – ТУКА.
