Српската пејачка Јелена Карлеуша доживеа нова непријатност на социјалната мрежа Инстаграм. Имено, нејзиниот профил, кој го создаде пред само неколку дена, е затворен. Причината сè уште е непозната.
Имено, кога ќе влезете на нејзиниот профил, Инстаграм исфрла известување дека „Вчитувањето на профилот не е можно“, а исчезнаа и сите фотографии и видеа што ги објави. Исто така, не е можно да се види кого таа следи и кој неа ја следи.
Карлеуша три месеци беше без профил на популарната социјална мрежа. Неодамна откри дека ќе оди во САД со својот правен тим за да го врати својот профил.
– Денеска се навршуваат три месеци откако ми го згаснаа Инстаграм. За неколку дена ќе се сретнам со претставници на компанијата Инстаграм како дел од META во Америка заедно со моите правни застапници. Во случај да не ја вратам сметката, ќе морам да отворам нова и да почнам од нула. Наскоро ќе бидете информирани – напиша Јелена на социјалната мрежа Икс.
Јелена ја следеа речиси 2,5 милиони луѓе на нејзиниот претходен профил. Кога отвори нов, речиси ист број луѓе ја следеа за само неколку дена, по што таа се огласи и ги покани луѓето да ја следат.
„Ги избришаа моите 2,4 милиони следбеници. Ви благодарам за вратените 2 милиони и за новите. Одиме понатаму. Можеме да направиме и повеќе од 2,4 милиони“, напиша тогаш својата инстаграм-приказната.
