Горан Папаз имаше посебен повод за славење. Имено, музичарот и неговата сопруга Наташа го одбележаа првиот роденден на тројката која ја добија на крајот на минатата година.
Горан и Наташа споделија низа семејни фотографии од домашната прослава со малите Лена, Луна, Лазар, но и со поголемото синче Дамиан на Папаз и нивните најблиски.
Покрај фотографиите тие споделија и емотивна порака со која им го честитаа роденденот на трите дечиња.
– Една година од најубавиот ден во мојот живот – 3 нови, разиграни срциња во 3 минути. Среќен роденден сонциња на мама и тато, да сте ни секогаш здрави, среќни, разиграни, палавки и исполнети со љубов и прекрaсни луѓе околу вас. Ве сакаат мама, тато и бато до бесконечноста и назад. П.С. За мене вака изгледа „Раце полни љубов и среќа” – пишуваше покрај фотографиите.
