Легендарниот српски актер Лазар Ристовски веќе извесно време ужива во љубовта со 39 години помладата Аница Лазиќ.
Ристовски минатата недела го прослави 71- виот роденден, а Аница сподели заедничка фотографија и со емотивни зборови му го честиташе најсреќниот ден. Оттогаш постојано добива пораки и од познати и од непознати личности. Аница повеќето од нив ги сподели на својот инстаграм-профил.
– Сакајте се без разлика на сè и бидете горди, бидејќи ретко кој ја има привилегијата да ја почувствува вистинската љубов и да ужива во неа. Вие блескате толку вљубени. Слободно можам да кажам дека сум горда на вас и дека сте вистински пример. Уживајте. Секој ден е подарок и живејте го вашиот живот кој е прекрасен – гласела една од пораките.
– И понатаму ми праќате прекрасни пораки. Ви благодарам прекрасни луѓе – напишала Аница покрај објавата.
Да потсетиме, мајката на Аница Лазиќ му го честиташе роденденот на својот зет, кој беше пред неколку дена и со тој потег јавно ја поддржа нивната љубов.
– Среќен роденден, витез на храброста! – напиша Анкица, со низа емотикони.
