Српската фолк пејачка Светлана Цеца Ражнатовиќ вчера повторно блесна на снимањето на новата епизода на музичкото натпреварување „Ѕвездите на Гранд“. Цеца како и обично го привлече вниманието на присутните со стилот, елеганцијата и скапите модни парчиња.
Цеца за оваа пригода избрала провокативен, а сепак софистициран стајлинг. Таа носела проѕирна црна блуза која била во контраст со здолништето, а сето тоа го комплетирала со чизми до колена кои се вистинско модно ремек дело.
Со оглед на тоа што нејзината гардероба веќе е позната по својот луксуз, следбениците на Цеца на социјалните мрежи не биле изненадени кога дознале колку чини нејзиниот стајлинг. Имено, чизмите кои ги носела се проценети на 1.570 евра, додека нејзината чанта вреди 1.200 евра. Покрај тоа, очилата, кои одлично прилегаат на нејзиниот стајлинг, чинат 850 евра.
Сепак, најскапото парче од нејзиниот стајлинг било ланчето кое на сите им го привлекло вниманието. Цената на овој ексклузивен ѓердан изнесува неверојатни 4.800 евра, што е поголема сума од износот на целата нејзина облека, вклучувајќи ги чизмите, чантата и очилата.
Фотографиите од скапиот стајлинг на Цеца можете да ги погледнете – ТУКА.
