Легендарниот пејач Џеј Рамадановски беше исклучително почитуван и сакан од народот, а истата ситуација беше и во кругот на неговите колеги.
Фактот што раперот Вук Моб дури и го истетовирал ликот на пејачот покажува колку тој бил почитуван од оние кои се занимавале со истиот бизнис како него.
Заедно со сликата на Џеј, раперот го додал и текстот „Ветровите ме кршат, јас терам по свое“ (Vetrovi me lome, ja teram po svome), а во една прилика раскажа зошто се одлучил на овој потег.
– Имам тетоважа со ликот на Џеј, многу го сакав и ми беше исклучително драг. Тој е можеби единствениот пејач од нашата естрада што го сакав како да ми е роднина, а ако ме прашате зошто, не знам. Ја сакав неговата музика, а и мојот покоен татко ја сакаше неговата музика, па мислам дека сето тоа е некако поврзано едно со друго – објаснил раперот.
Смртта на Џеј многу го погоди раперот Вук Моб, кој потоа со потресни зборови се прости од легендата.
– Драг мој, за мене ти си жив додека сум жив јас! И по песна и по дух, и сега со слика која секогаш ќе биде со мене! Времето брише сѐ, а ти ќе живееш вечно, легендо – рекол раперот.
Вук Моб еднаш сними песна наречена „Славија“, а легендарниот пејач се појави во спотот. Снимањето се случило во кафеана каде Џеј и Вук одлично се забавувале, а раперот се пофалил дека му е чест што Џеј се согласил на соработка.
