Ирската пејачка и текстописец Шинејд О’Конор, најпозната по нејзиниот хит „Nothing Compares 2 U“, почина на 56-годишна возраст. Прв ја пренесе веста Irish Times, а причините за смртта на славната пејачка не се познати за јавност.
Шинејд О’Конор има издадено 10 студиски албуми во текот на нејзината музичка кариера. На почетокот на 2023 година, пејачката беше почестена со највисоката награда за класичен ирски албум на музичките награди RTÉ Choice. Славната личност ја посвети својата победа на „сите членови на ирската бегалска заедница без исклучок“, за што доби овации.
Но не беше се розово во нејзиниот живот. Напротив. Таа долги години се бореше со тешка депресија. Пред шест години доби дури и критики, секако и поддршка од фановите, кога на нејзината лична страница на Фејсбук, отворено ја споделуваше својата состојба на тешка депресија.
View this post on Instagram
Шинејд Марија Бернадет О’Конор е родена во Даблин, главниот град на Ирска, а нејзините родители ја крстиле во чест на сопругата на претседателот на Ирска, Шинејд де Валера.
На 8-годишна возраст, нејзините родители се развеле, а по неколку години со нејзината мајка и уште четирите сестри, Шинејд се преселила кај нејзиниот татко, кој дотогаш ја напуштил својата здодевна работа. Шинејд постојано споменуваше дека за време на нејзиниот живот со сестрите била изложена на злоупотреба на деца повеќе од еднаш и последователно низ животот стана активистка за решавање на овој проблем. Учењето во католичко училиште не ѝ донело ни најмало задоволство. Својот протест го изрази со неконтролирано однесување и постојани скандали со наставниците. Откако украла од локална продавница, била избркана од училиштето, па завршила во манастир. Сепак, тешкиот однос со црквата не заврши тука. Пејачката беше обвинета за „јавен вандализам“, кога во 1991 година, во живо на популарната њујоршка емисија „Saturday Night Live“, го искина портретот на папата Јован Павле II.
View this post on Instagram
Личниот живот на славната личност беше полн со романси. Се омажила четири пати. Од нејзиниот прв сопруг, тапанарот Џон Рејнолдс, во 1987 година, пејачката го роди својот најстар син Џејк. Неколку години по разводот, таа започна афера со ирскиот новинар Џон Вотерс, од кого во 1995 година ја роди ќерката Роисин.
Во 2001 година, О’Конор повторно се омажи, за британскиот новинар Ник Сомерлед и го доби синот Шејн. Минатата година момчето се самоуби на 17-годишна возраст. Според О’Конор, извесно време пред неговата трагична смрт, нејзиниот син Шејн бил под специјална „самоубиствена контрола“ во клиниката за рехабилитација Талахт Хосптиалс Лин Вард, од која подоцна избегал. Пејачката ги сметаше вработените и администрацијата на клиниката одговорни за смртта на синот, дека не се грижеле за тинејџерот со самоубиствени склоности.
Во 2006 година, по аферата со Френк Бонадио, пејачката роди уште едно дете, синот Јешуа Френсис Нил Бонадио.
Подоцна влезе во трет брак со Стив Куни во летото 2010 година, една година подоцна парот се разведе.
Таа го остави својот последен сопруг, ирскиот терапевт Бери Хериџ, неколку дена откако се премажи.
И покрај изобилството на романси со мажи, во 2000 година пејачката изјави дека се смета себеси за лезбијка. А подоцна рече дека полот на една личност не ѝ е важен.
View this post on Instagram
Во 2017 година, Шинејд го смени своето име во Магда Давит за „да биде ослободена од имињата на родителското робство“. Една година подоцна, премина во ислам и почна да се нарекува себеси Шухада Садакат. Истата година, сними видео порака преку која им кажа на фановите дека боледува од биполарно растројство.
Бунтовничката природа на изведувачката се манифестираше не само во нестандардниот изглед со традиционална „нуларка“ фризура и рокерска лежерност во стилот на облекување, туку и во одбрана на нејзините политички ставови, меѓу кои беше и поддршката за сепаратистичката паравоена организација ИРА, која се залагаше за одвојување на Северна Ирска од Обединетото Кралство и критика на Заливската војна и поддршка за верските малцинства.
И покрај тоа што на почетокот на кариерата доби вистинска помош од членовите на групата U2, Шинејд подоцна зборуваше многу навредливо за самата група, нарекувајќи ги „помпезни пауни“ и обвинувајќи ги дека „ја згазиле целата ирска музика под нивните кратки нозе“. Покрај нив, О’Конор влегуваше во конфликт и со бројни други колеги, а инспирација црпеше од Принц и Френк Синатра.
