Босанската пејачка Јадранка Стојаковиќ се прослави со вонвременските хитови кои и денес се слушаат. Што те нема“, „Има нека тајна веза“, „Све смо могли ми“, се само дел од хитовите на Јадранка Стојаковиќ, а многумина не знаат дека животот на пејачката бил обележан со трагедии.
– Мојот живот беше тежок уште од детството. До петгодишна возраст живеев со мајка ми, која се селеше од место на место, потоа се преселив кај баба ми, а потоа за мене се грижеа мојот чичко и неговата сопруга. И тие се селеа низ цела Германија, Норвешка и Шпанија – рече еднаш таа.
Кариерата ја започнала настапувајќи во џез клубови во САД, а благодарение на големиот талент стигнала до Јапонија. Сепак, сè било прекинато од војната што се одвиваше во нејзината татковина во деведесеттите години, бидејќи, како што самата велеше, не можела да пее без да знае како е нејзиното семејство.
Во Јапонија поминала 23 години, го изгубила станот во Сараево, а кратко потоа се случила трагедија што ѝ го променила животот засекогаш.
На Јадранка ѝ јавиле дека нејзината сестра починала и таа веднаш отпатувала од Јапонија за да се збогува со неа засекогаш. Кога тргнале на погребот, се случила уште една незамислива трагедија. Во автомобилот што возел пред нејзиниот, во сообраќајна несреќа загинала и нејзината друга сестра.
Со тешки напори, Јадранка некако успеала да продолжи со животот, а потоа во 2010 година, додека излегувала на сцената се повредила, по што ѝ била дијагностицирана болест на моторните неврони или амиотрофична латерална склероза, поради што станала целосно неподвижна.
– Нозете постепено ми откажуваа сè додека не станав целосно неподвижна – изјави таа за „Дневни аваз“ во едно од нејзините последни интервјуа.
Јадранка Стојаковиќ почина на 3 мај 2016 година.
