Според руската веб-страница Досие, Дмитриј Медведев го оставила сопругата Светлана, поради неговото психичко нестабилно однесување.
Дмитриј Медведев несомнено е еден од „големите“ протагонисти на војната во Украина која трае повеќе од четири месеци и која всушност ја гледа Русија наспроти Западот и Европската Унија. Неколку пати поранешниот претседател на Руската Федерација даваше изјави кои не се ништо помалку од изразување на отворена лутина кон Европа, САД и Велика Британија, со закани кои не се ни прикриени.
Неговото име на тој начин заврши во центарот на новинарските написи, а според она што го прочитавме и во онлајн изданието на весникот Либеро, а првично објавено од Досие, руски веб портал според кој „јастребот“ го оставила неговата сопруга Светлана, поради психички проблеми:
„Разводот можеби е предизвикан од неговата нестабилна психичка состојба рефлектирана и во неговите изјави“, велат изворите за руските новинари, како што читаме и во „Ла Стампа“. Накратко, сопругата на Дмитриј Медведев, наводно, раскажала за однесување на сопругот кое е сè само не соодветно од страна на поранешниот претседател, кој во времето на неговиот мандат се залажуваше дека Русија ќе се сврти кон Запад, оставајќи го него сам.
Медведев вообичаено ја користи за објави платформата Телеграм за да ги нападне НАТО, ЕУ и Соединетите Држави, јавно ги објавува сите свои „вербални ексцеси“, но не може да се исклучи дека зад овој гнев особено манифестиран во последно време, може да стои само едно „збогум“ на сопругата.
Според други реконструкции, Медведев почнал да го подига тонот на говорот за да се кандидира како сериозен наследник на Владимир Путин на чело на Руската Федерација. Трети пак, неговите остри и неодмерени изјави го припишуваат на тоа што наводно, станал неумерен во конзумацијата на алкохол.
