„Ова не е време за откажување“, нагласува британскиот премиер. Во соопштението, од Даунинг стрит велат дека се подготвени да обезбедат финансиски средства за Киев за дополнителни 525 милиони долари.
Украина „може да победи и ќе победи. Но, им треба нашата поддршка за да го сторат тоа“ им порачува на сојузниците британскиот премиер Борис Џонсон во пресрет на Г7.
Во соопштението, Даунинг стрит вели дека е подготвен да обезбеди гаранции за Киев за дополнителни 525 милиони долари, што ќе изнесува вкупно 1,8 милијарди долари финансиска и хуманитарна помош што Лондон досега ѝ ја додели на Украина.
„Секој знак на замор или одложување на поддршката на Западот за Украина ќе биде директна услуга за претседателот Путин“, вели, според Гардијан, портпаролот на Џонсон, објаснувајќи дека мора да се отвори „нова фаза“ за да се разбере кој пат е најдобар за да се зајакне Украина.
„Тоа е она што премиерот ќе го побара од лидерите на Г7 и НАТО за да ги охрабри сојузничките лидери да ја зголемат својата економска, воена и политичка поддршка за Украина“, додаде портпаролот, „паралелно, мора да ги зголемиме санкциите против Путин и неговите насилници, за да ја почувствуваат цената на нивното варварство“.
