Контроверзниот српски рапер Драгомир Деспиќ, попознат како Десингерица, на социјалните мрежи се пофали дека моментално ужива во Истра. Тој објави неколку фотографии како инстаграм-приказна од ресторанот во кој јадел морски деликатес кој со закон е заштитен во Хрватска, пишува „24сата.хр“.
Имено, на фотографиите може да се види маса и чинии полни со морски плодови. На една од нив има школки кои со закон е забрането да се ловат во Хрватска поради уништувањето на карпестиот брег на Јадранот.
Инаку, со новиот Закон за морското рибарство кој стапи во сила од февруари годинава, меѓу другото, се забранува риболов на овој вид школки (Lithophaga lithophaga) и нивен извоз и трговија, со што конечно целосно се заштитува карпестиот брег на Јадранот, кој систематски се уништува од ловењето на оваа вкусна школка со години, пишува „ХРТ“.
