Српскиот портал „Курир“ го претставува својот нов проект – формат кој ќе флертува со границата меѓу традиционалните новинарски интервјуа, исповеди и подкасти и ќе биде неделна доза на оптимизам за сите негови гледачи.
Во првата емисија „Не е сè така црно“, гостува фотографскиот маг Дејан Миличевиќ, кој за прв пат по 30 години ќе зборува за својот приватен живот и развојниот пат до успехот.
Миличевиќ ќе зборува за своите први чекори и соништа, ќе ги открие сите детали од неговото патување во Америка, кое било пресвртница во неговиот живот.
– Живеев во прекрасни услови до моментот кога ми беше наредено да се преселам во подрумот затоа што трошев струја, вода и „не правев ништо во животот“, морав да работам кај него во хемиско чистење, да примам валкани алишта од Американци и да им ги издавам чисти, да се трујам и да ги вдишувам тие хемикалии… – открива Дејан.
Исто така, Дејан за прв пат зборува за агонијата низ која поминал во Македонија каде си го нашол празен станот во кој живеел.
– Морничаво е! Доаѓаш, вратата е отворена, не е скршена… – вели Миличевиќ, а во првата емисија тој детално ќе раскаже како го ограбиле во срцето на Скопје.
Фотографот, кој од своето име направи бренд и кој работи веќе триесет години, за прв пат ќе проговори и за здравствените проблеми што ги имал и ќе ѝ даде совет на јавноста да избегнува слични искуства.
View this post on Instagram
