Поранешната српска мисичка и учесничка на „Задруга“, Јована Љубисављевиќ и угостителот Богдан Срејовиќ неодамна се венчаа во тајност, а потоа ја објавија радосната вест и открија дека чекаат бебе.
Откако го дознаа полот на бебето и со јавноста споделија дека чекаат момче, Богдан одлучи да ја изненади Јована со романтично патување.
– Богдан само ѝ го покажа на Јована хотелот што претходно тајно го резервирал, а таа почна да скока од радост! По веста дека ќе станат родители на момче, ова дополнително предизвика насмевка на нејзиното лице, па на нивната среќа сега ѝ нема крај. Јована долго време сакаше да отпатува на тајна локација, но Богдан го чекаше вистинскиот момент да се одлучи на овој потег и да го направи изненадувањето од соништата – изјавил извор близок на парот.
Двојката се венча тајно на крајот на јули, што предизвика гласини за можна бременост. По венчавката, шпекулациите се засилија, а сега Јована и Богдан и официјално потврдија дека чекаат бебе.
Богдан Срејовиќ е угостител и поранешен партнер на српската пејачка Светлана Цеца Ражнатовиќ, додека Јована Љубисављевиќ е поранешна мисица и учесничка на реалното шоу „Задруга“.
Да потсетиме, Цеца и Богдан раскинаа во 2022 година.
