Горан Иванишевиќ и неговата сопруга Нивес овие денови престојуваат во Сараево, каде што се испробаа и на тенискиот терен. Двојката одигра егзибициски натпревар кој ги забавуваше насобраните гледачи, а вечерта се пееше и песна.
Нивес и Горан Иванишевиќ уживаа во опуштена вечер. Во друштво на музичари, брачниот пар го отпеа големиот хит на Петар Грашо „Ако те питају“. Во лежерна атмосфера и со насмевки, нивниот спонтан настап брзо ги освои следбениците.
View this post on Instagram
„Се чувствувам одлично, овие последни два дена качив три килограми. Добро е што си одам за два дена бидејќи Сараево има специфична душа, особено кога станува збор за Сараевскиот филмски фестивал“, рече Иванишевиќ по натпреварот, објави Radiosarajevo.ba.
Да потсетиме дека минатиот декември, двојката ја прослави седмата годишнина од бракот. Тие се венчаа во Загреб во друштво на семејството и блиски пријатели, а во 2018 година добија син. Горан има и 17-годишен син, Емануел, од првиот брак.
