„Зголемувањето на крвниот притисок по вакцините против Ковид не е невообичаено“, подвлекуваат авторите нова здравствена студија која доаѓа од Италија.
Вакцините против Ковид покажаа силна клиничка ефикасност против симптоматски или умерен/тежок Ковид и се сметаат за најперспективниот пристап за запирање на пандемијата. Сепак, неодамна се покренаа некои прашања за безбедноста на вакцините. Меѓу несаканите настани на вакцините и покрај недостатокот на извештаи за време на клиничките испитувања во фаза III, како потенцијална несакана реакција беше пријавено зголемување на крвниот притисок по примање на вакцините против Ковид, се вели во најновата италијанска студија, објавена во списанието MDPI.
Во студијата, истражувачите презеле мета-анализа на достапните податоци за да го проценат процентот на пациенти со абнормален крвен притисок или зголемување на крвниот притисок по вакцинацијата. Шест студии влегоа во финалната анализа. Севкупно, студиите акумулирале 357.387 лица со 13.444 абнормален или зголемен крвен притисок.
„Колку што знаеме, ова е првиот систематски преглед дизајниран да го истражи почетокот на абнормален или зголемен крвен притисок по вакцинацијата против Ковид. Главната новина на нашата студија е доказот дека зголемувањето на крвниот притисок по вакцинацијата не е невообичаено. Процентот на пациенти со абнормален или значително покачен крвен притисок се движеше од 0,93% до 23,72%, со здружена проценка од 3,91% (3,20% без статистичките аномалии). Понатаму, проценката на хипертензија од трета фаза или хипертензивни итни случаи и вонредни состојби по вакцинацијата против Ковид беше 0,6%, пишуваат истражувачите во нивната студија.
Резултатите од студијата покажаа дека абнормалниот/зголемениот крвен притисок „не треба да се смета за спорадичен“, велат авторите на студијата. „Абнормалниот крвен притисок не е невообичаен по вакцинацијата против Ковид, но основните механизми на овој феномен се сè уште нејасни и бараат дополнително истражување“, заклучуваат тие.
