Бидејќи неодамна го роди своето второ дете, многумина очекуваа дека Александра Пријовиќ ќе се врати на сцената дури следното лето. Сепак, популарната пејачка реши да ги изненади сите и го закажа својот прв настап по паузата веќе за 29 декември оваа година, во Црна Гора, најавија денес регионалните медиуми.
Александра требаше да настапи на плоштадот во Бар уште на почетокот на оваа година, но поради трагичните настани што се случија на 1 јануари на Цетиње, реши да го одложи концертот. Наскоро по тоа ја дозна и среќната вест – дека по вторпат ќе стане мајка – па се повлече од сцената и од јавноста.
Неодамна во медиумите се појавија информации дека Пријовиќ ќе пее за дочекот на Новата година во белградскиот Сава Центар, што многумина го сфатија како нејзино големо враќање пред публика. Но, таа чест сепак прво ќе ја имаат фановите во Црна Гора, каде што владее огромен интерес за концертот, пишува Курир.
Три излегувања за еден месец по породувањето
Иако по вторпат стана мајка, Александра не се откажа целосно од општествениот живот. Во првиот месец по породувањето излегла дури три пати. Прво била видена на забава на бендот Лексингтон во Белград, каде спонтано ја испеала својата песна „Све по старом“. Потоа се појавила и на настапот на Бобан Рајовиќ, во друштво на пријатели и на роденденот на својата соработничка, нутриционистката Ана Петровиќ, што се одржал во еден белградски хотел. Таму повторно зела микрофон, а снимките од тој момент набргу ги преплавија социјалните мрежи, пренесува Телеграф.
