Ламбе Алабаковски раскажа што направил Андреј од ДНК, само три дена пред кобниот пожар во Кочани, во дискотеката „Пулс“ во кој настрадаа 63 млади луѓе, а околу 200 беа повредени.
Гостувајќи во радиото „Урбан ФМ“, Ламбе откри што правеле со Андреј само неколу дена пред неговиот живот трагично да згасне. Тој рече дека ќе соработува со Врчак на нова песна, а потоа го спомена и Андреј.
– Врчак ми го напиша мене првиот текст, „Спаси ме“, тоа е негов текст. Сега, мала дигресија. Имаме една песна ја извади, таа беше демо од 2004, за мојот прв албум „Море од солзи“.
Врчак спрема нов албум. Тоа беше песна за мене, и сега тој ја најде, ја извади од некои фолдери таму од 2004, и направи текст за мене и за него.
И ни гостува, ајде ќе откријам сега, ни гостува нашиот покоен Андреј од ДНК. Три дена пред да се случи таа ужасна трагедија во Кочани ја снимија песната. И едвај чекам јас да ја слушнам, веќе ја имаме снимено“, откри Ламбе за новата песна чии вокали ги пее Андреј.
