Популарната пејачка одржа пет концерти во загрепската Арена.
Српската фолк пејачка Александра Пријовиќ синоќа по петти пат настапи во преполната Арена Загреб.
Популарната пејачка на публиката и приреди спектакл за паметење. Како што истакна, навикнала да настапува во најголемата сала во Хрватска, а истакна дека ќе публиката ќе и недостига.
Таа во еден момент заврши на колена на сцената, па со солзи во очите и се обрати на публиката која цело време го скандираше нејзиното име и викаше дека сакаат уште концерти.
„Оф, и јас сакам шеста Арена! Само да знаете… Ве слушам сите! Би сакала да пеам секој ден, толку ми е убаво! Секој концерт со вас ми е најдобар“, рекла Прија, пренесува српски „Блиц“.
Александра Пријовиќ за оваа пригода избрала раскошен проѕирен фустан со светкави детали кој ја следи линијата на телото, а за вториот дел од концертот избрала краток, кожен црн фустан.
Гости на концертот беа Маја Беровиќ, Осман Хаџиќ и Дејан Матиќ, па публиката повторно имаше можност да ги слушне Пријовиќ и другите балкански ѕвезди.
