Александра Пријовиќ наскоро ќе стане мајка на девојче, а наводно решила тоа да го направи во една од најлуксузните приватни клиники во Србија.
Според упатените, таа однапред го закажала терминот, а за второто породување, според написите на некои српски медиуми, издвоила дури 400.000 динари (околу 3.500 евра).
Таа цена, велат изворите, ѝ обезбедува целосна приватност, дваесет и четиричасовна грижа, како и тим лекари специјализирани за најсложените породувања.
– За Александра, удобноста, приватноста и стручноста се апсолутни приоритети. Таа сака да се породи во мир, опкружена со најстручниот медицински тим, без стрес и притисок од јавноста. Долго време, заедно со Филип, размислуваше каде ќе ја роди својата ќерка, а изборот падна на новоотворена болница сместена во елитна белградска населба. Цената од 400.000 динари не е мала, но Прија работеше и заработи и може да си го дозволи само најдоброто – изјавил извор за Информер, пренесе Grand.nova.rs.
Александра и нејзиниот сопруг Филип Живојиновиќ имаат син, а сега со нетрпение го очекуваат доаѓањето на свет на нивната ќеркичка. Пејачката сакала да се породи на денот кога и самата слави роденден.
