Александра Пријовиќ моментално е најдоминантното име на регионалната музичка поп-фолк сцена. Редовно ги полни најголемите регионални арени со последователни концерти и приредува спектакли за својата публика.
По успешните настапи во Белград, и по закажаните концерти во Загреб (четири), популарната Прија во Сараево ќе одржи два концерта на 28 и 29 октомври во арената Зетра. А по повод претстојните концерти, пејачката вчера го посети Сараево, ја посети Башчаршија и салата во која наскоро ќе пее, а се дружеше со пријателите и новинарите во популарниот сараевски ресторан „Кибе“.
Александра накратко за босанскиот портал „Аваз“ изјави дека ги има најдобрите соработници во регионот, но дека секако сака „најголемиот од најголемите“ Дино Мерлин да ѝ направи песна.
– Секако дека сакам песна од Дино Мерлин. Времето е пред нас, па ќе видиме дали ќе си ја остварам желбата – изјавила Александра.
