Двата најголеми фестивали во организација на „Пасворд Продакшн“ – „ТАКСИРАТ“ и „Д ФЕСТИВАЛ“, се во трка за престижните „Европски Фестивалски Награди“ (European Festival Awards), најзначајното признание за музичките настани на стариот континент! Нашите фестивали зе единствени од Македонија номинирани во две различни категории заедно со 45 други фестивали од 19 држави ширум Европа. Зимскиот „ТАКСИРАТ“ влегува во категоријата за „Најдобар фестивал во затоврен простор“, додека пак „Д ФЕСТИВАЛ“ е номиниран за „Најдобар мал фестивал“ односно категоријата во која спаѓаат фестивалите со капацитет од 10 000 посетители дневно. По оваа исклучително значајна номинација, за изборот на победницте следно е главниот збор на милионската публика од целиот свет која веќе гласа за своите омилени фестивали. Гласањето е отворено за СИТЕ, па и македонската публика ја повикуваме да ги поддржи нашите фестивали гласајќи за нив преку овој линк .
„Европските Фестивалски Награди“ се најзначајното меѓународно признание за препознавање на квалитетот на фестивалските организации на кои се должи европската разновидна и енергична фестивалска сцена. Токму затоа за победниците од секоја категорија одлучуваат оние кои се најважниот дел од музичките фестивали – публиката! Преку отворено гласање на официјалната онлајн платформа ТУКА (https://www.surveymonkey.com/r/efavoting2022) јавноста ќе може да гласа во сите категории и секако да ги поддржи „Таксират“ и „Д Фестивал“ со својот глас сѐ до 7 декември.
Прогласувањето на победниците ќе биде на 18 јануари 2023, на свеченото доделување на наградите во Гронинген, Холандија. За конечните победници во секоја од категориите, се одлучува според гласовите од публиката, но и стручното жири кое го сочинуваат истакнати личности од светската музичка индустрија.
Нашите најдобри фестивали и претходните години се закитуваа со номинации на Европските Фестивалски Награди, а „Таксират“ дури успеа да влезе и во најтесниот избор меѓу 10-те најдобри фестивали во Европа. Годинава, главната вечер на ТАКСИРАТ ќе се одржува токму на последниот ден од гласањето, односно на 7 декември, кога во Арена „Борис Трајковски“ во Скопје ќе биде затворено актуелното, 24то издание на најголемиот зимски музички фестивал во Југоисточна Европа. Имено, ТАКСИРАТ веќе ќе го оправда своето место во листата на најдобрите европски фестивали со годинашната маратонска програма која започна во мај и во чии рамки се одржаа целосно распродадените концерти, прво на великаните од светската музичка сцена „Дед Кен Денс“ и Ману Чао, а потоа и „Хладно Пиво“. Она што деновиве ни претстои во името на „Таксират“ се концертот на светскиот виолинист и „крал на валцерот“ АНДРЕ РИУ на 23 ноември, импресивната ПИН музичка конференција со 42 бесплатни концерти од 24 до 26 ноември, фестивалот на новите музички групи „Лузер фест“ на 3 декември и на крај завршницата со Главната вечер на 7 декември. Во програмата за Главната вечер на ТАКСИРАТ веќе се најавени настапите на берлинскиот техно титан БЕН КЛОК, британската р’н’б ѕвезда „АјЕмДиДиБи“, метал легендите „Содом“, инди рок дуото „Буч Кесиди“, хип-хоп екипата „Зад Аголот“, енергичните каталонци „Ла Пегатина“ и многу други изведувачи кои наскоро ќе бидат објавени. Програмата како и информациите за билетите за ТАКСИРАТ се објавени на официјалната страница на Фестивалот, на taksirat.mk .
