Српскиот претседател Александар Вучиќ и косовскиот премиер Албин Курти се поканети на итен состанок во Брисел за да се најде решение за проблемот со регистарските таблички на северот на Косово, изјави портпаролот на Комисијата Петер Стано.
Тие биле повикани од високиот претставник на ЕУ за надворешна и безбедносна политика Јосеп Борел.
Косовската влада најави дека до понеделник, 21 ноември, ќе почне да наплаќа казни за сопствениците на возила од северот на Косово кои не ги замениле српските регистарски таблички со косовски. Како што се приближува тој датум, тензијата расте, а Комисијата ја нарекува „најсериозна ситуација“ од 2013 година.
„Се надевам дека ќе дојде многу брзо за да можеме да го решиме прашањето пред 21 ноември“, рече Стано. Стано рече дека има „дипломатски разговори“ за решението на тоа прашање, кои се доверливи од разбирливи причини.
Тој одби да го коментира пишувањето на косовските медиуми дека веќе е постигнат договор врз основа на предлогот на специјалниот пратеник на ЕУ Мирослав Лајчак.
