58 години по победата, Џиљола Чинкети во сабота ќе запее на финалето на изборот за песна на Евровизија.
Својот приватен живот го држи во толкава тајност што никој не знае каде живее со семејството. И денес, пејачката која во 1964 година ја испеа легендарната песна „Немам возраст“, навистина нема возраст. Има само години, 74.
Џиљола Чинкети во сабота ќе гостува на финалето на Евровизија во Торино, а ќе ја отпее легендарната песна „Немам возраст (да те сакам)“, со која победи на „Санремо“ и на фестивалот на Евровизија во Копенхаген, во 1964 година.
Во тоа време таа имаше само 17 години, соборувајќи рекор на најмлада пејачка што се качила на подиумот. Ќе биде возбудливо повторно да ја видиме денес на евровизиската сцена, на 74-годишна возраст. Благодарение на победата на Евровизија стекна интернационална слава, ги објави своите синглови низ целиот свет, снимајќи на осум различни јазици. Сепак, нејзина најпозната песна остана „Немам возраст“, продадена во повеќе од четири милиони копии само во Европа.
Покрај музиката, во текот на животот имала и многу други интереси. Дипломирала на уметничкото училиште во Верона, се стекнала со наставничка квалификација и стекнала диплома, прво по архитектура, а потоа и филозофија. Се појавува како илустраторка на книги за деца, но и како сликарка на корици за некои од нејзините плочи. Како актерка пак, се појавува во две телевизиски драми, но активна е и како новинарка-колумнистка.
View this post on Instagram
Џиљола Чинкети е во брак од 1979 година со новинарот Лучијано Теодори, а повеќе година го чуваше бракот во тајност за тоа да не ја попречи нејзината пејачка кариера.
Со сопругот имаат две деца, Џовани (1980.), денес етаблиран историчар, и Костантино (1984.), познат архитект.
Пејачката го држи својот приватен живот толку многу во тајност што никој не знае каде живее со семејството. Се знае само дека долги години живеела во Верона, град во кој е родена и каде живееле нејзините богати родители.
View this post on Instagram
