– Како што најавивме, во текот на следните денови ќе имаме сончево време, повремено со умерена облачност. Локално ќе има и позначителна облачност, а во текот на седмицава локално ќе има услови и за сосема слаб дожд. Ќе дува слаб до умерен ветер од променлив правец, вели нашиот метео прогнозер Славчо Попоски.
Според Попоски, наутро температурите на повеќе места ќе се спуштаат до околу 0 степени, додека понекаде, и тоа особено на повисоките и планинските места, истите се очекува да се спуштат до околу -3 степени, со што постојат услови и за појава на слаб мраз.
Максималните дневни пак, ќе се искачуваат во интервалот од 13 до 18 степени.
Во Скопје и околината во следните денови ќе се задржи сончево со умерена, повремено и локално и позначителна облачност.
– Ќе дува и слаб до умерен ветер претежно од северен правец, додека наутро температурите ќе се спуштаат до околу 2 степени, а максималните ќе се искачуваат во интервалот помеѓу 14 и 15 степени, заклучува Попоски.
