Нашиот тим започна соработка со една посебна, прекрасна мајсторка во кујна – Мартина Трајаноска.
Шармантната Мартина стои зад превкусните рецепти пласирани на инстаграм-профилот (martinascooking).
Готви од мали нозе, а со текот на годините и искуството научила дека најважна состојка во секое јадење е – љубовта.
Денес Мартина ни направи душа меки пинерлии.
-Перфектна ужинка или појадок која може да си ја направите уште денес, за буквално само 10 минути работа, другото е чекање тесто и печење, вели Мартина и додава:
Душа меки, ептен брзи и најлесни за правење. Нешто кое вреди да го пробате, а ако ги направите еднаш, тогаш верувам ќе ви биде секоја недела на мени.
View this post on Instagram
ПОДГОТОВКА
Замесете меко тесто од состојките (освен маргаринот-тој е за премачкување) и поделете го на 4 дела. Намрсете ги топчињата и покријте ги со кеса. Оставете ги да се удвојат дури го спремате филот и плехчето (15тина-20 минути). Изрендајте си сувомеснато, кашкавал, сиренце, спремете си печурки, зачини, кечап, буквално се што сакате.
Секое топче ви е за посебна кора.
Од секое топче сукате правоаголна кора, ја премачкувате со маргарин, ставате фил, виткате ролат, префрлате на плехче и сечете на парчиња.
Премачкајте со јајце, ставете сусам и печете во загреана рерна на 180/200 С околу 15/20 минути.
Овие пинерлии се толкуууу вкусни што нема да знаете за доста!
