Млада, преслатка и многу амбициозна, Маци е дипломиран филолог по компаративна книжевност и почнала да одгледува цвеќиња минатата година, инспирирана од отсуството на живот предизвикано од пандемијата.
– Мојот „двор“ е всушност, северната соба во мојот стан, целосно посветена на растенијата. Со голема љубов сама се грижам за нив, ни вели Маци.
Со оглед на тоа што е „тазе“ во одгледувањето на цвеќиња, се одлучила за цвеќиња кои се релативно независни и не им треба премногу внимание, а во последно време развила голем интерес и кон семиња лути пиперки, па засадила хабанеро и халапењо. Вели, ги чека дали ќе родат плод.
-Некои денови само ги посетувам моите растенија за да ги поздравам, посебно како што влегуваме во есенска сезона, ми треба многу малку време. Не правам ништо посебно бидејќи се дома и жители се на север, освен што водата ми е намалена на 7-10 дена, ни раскажува таа и додава:
-Омилено цвеќе ми е овој сукулент, кој дојде кај мене по голема случајност откако бил заборавен во стан со месеци. Бев трогната од неговата упорност да живее, па сега видете го како вирее!
Оваа девојка полна со позитивна енергија ни порачува: Земете си дрво на животот, ќе ве охрабри!
И ние ја охрабруваме неа да продолжи напред со новата страст – растенијата.
Инаку, Маци е членка на Фејсбук групата …ДВОРЧЕТО…, група која ви ја препорачуваме да си станете член и да се изнагледате преубави објави!
ФОТО-ПРИВАТНА АРХИВА
