Денес разговараме со Павлина Костадиновска, прекрасна личност, и многу активна во своите пензионерски денови.
Битолчанката Павлина е пензионерка, активна претседателка на урбана заедница, а и политички е активна. Има 65 години, од нејзиното лице блеска животна, младешка радост. Полна со енергија, позитивна и секогаш насмеана, убавата душа на Павлина се отсликува во убавината на нејзиното, како што вели, мало и скромно дворче.
Имено, дворчето на Павлина се протега покрај патека долга 10 метри, а широка 4 метри. И секоја педа е умно искористена во полза на убавината, па и оградата.
Оваа госпоѓа е вистинска инспирација како може и од мал простор да се направи вистинско мало рајче на Земјата.
Вниманието ни го привлекоа и ускрасните предмети кои во амбиентот изгледаат како да се извлечени од странички од бајка.
-Од цвеќиња имам неколку рози, копривки, сардели, дрва на животот, папрат, бомбони, хризантеми, на прозорецот пак, орхидеи, темјанушки, хибискус, кала. Тоа е речиси сè, а имам и неколку украсни џуџиња, воденичка, слонче, печурка, фенерче и маса со црвено-бели столици, ни раскажува драгата соговорничка.
Ова земско рајче во Битола, Павлина сама си го уредува, бидејќи сопругот на Павлина си има свои активности, а и трите ќерки си имаат свои обврски.
Големо браво за Павлина!
Во продолжение, уживајте во глетката на дворчето на Павлина.
Инаку, Павлина е членка на Фејсбук групата …ДВОРЧЕТО…
Фото – Приватна архива
