Како дел од утринската рутина на многу жители на Балканот неодамна стана и проверувањето за тоа каква е моменталната состојба на загаденоста на воздухот.
На самиот врв на светската листа на градови со најнеквалитетен воздух со денови се наоѓа престолнината на Босна и Херцеговина, Сараево. Ситуацијата, меѓутоа не е многу подобра ниту во другите градови на поранешна Југославија.
Сараево е во „сопствена категорија“
Сараево пред три дена беше најзагадениот град на планетата со индекс на загаденост од дури 597. Тој ден овој град беше апсолутен рекордер по бројот на загадени честички и беше единствениот кој се наоѓаше во опасната зона.
Тој факт натера бројни активисти и обични граѓани да реагираат, а на Твитер се огласи дури и шведската амбасада во Босна која наведе дека Сараево си има „сопствена категорија на загаденост“.
Unfortunately, on planet Earth #Sarajevo is now in a category of its own when it comes to bad air quality. Urgent action is required. We will continue our support in the envi sector. #SwedenInBiH @UNDPBiH @hbs_sarajevo @vladaks_ pic.twitter.com/YvwKudwlL9
— Sweden in BiH (@SwedenBiH) January 11, 2020
Со цел да се контролира загаденоста, Кантонот Сараево ги забрани дизел возилата во центарот на градот, а локалните власти апелираа за превентивно носење на маски за лице.
Остатокот од регионот
На сајтот airvisual.com може да се следи ситуација со загаденоста на воздухот од час во час. Ако зборуваме за нашиот регион, изземајќи ја Србија, ситуацијата е прилично лоша во Скопје, односно на север во нашата држава.
Скопје моментално се наоѓа на 26. место на листата од најзагадени престолнини во светот.
На 46. место се наоѓа Загреб каде ситуацијата е прилично поднослива.
Словенија и Црна Гора се речиси „зелени“, а и Подгорица не се наоѓа на оваа листа на најзагадени градови.
Инаку, гледајќи ја мапата на Европа, „брановите“ на загаденост најмногу се центрирани на територијата на Белград и Сараево.
Кога станува збор за остатокот на Европа, најкритична е состојбата на север во Италија.
Милано моментално е само нешто помалку загаден од Белград. Исто така, ситуацијата е лоша и во Краков, во Полска, во Букурешт и Софија.
The post Загадувањето ги убива градовите на Балканот: Се гушат и во Сараево, а чист воздух се дише само во Подгорица и Љубљана appeared first on Слободен печат.
