На лизгалиштето во спортскиот центар „Борис Трајковски” денеска се одржува вториот ден од четвртиот Меѓународен натпревар во уметничко лизгање „Skopje on Ice”.
Денеска настапите започнаа во 07:30 часот, а од 10 часот следуваше настапот на учесниците од земјава и од странство кои се натпреваруваат во меѓународно признатите категории – младинци, јуниори и сениори.
Како што вчера најавивме, свеченото отворање беше закажано за во 19:15 часот со музички настап на Кристина Арнаудова, по што следеше презентацијата на вештините на мраз на најмладите учесници на натпреварот.
Потоа околку 19.30 часот започна официјалниот натпреварувачки дел и тоа во категориите интерпретации А, Б и Ц (рекреативни категории), како и најмалата спортска категорија кадети Ц.
Инаку за потсетување, организатор на „Skopje on Ice” е Федерацијата за лизгачки спортови, додека влезот е слободен.
The post Втор ден од Меѓународниот натпревар во уметничко лизгање „Skopje on Ice” (ГАЛЕРИЈА) appeared first on Слободен печат.
