Сенатот во американската држава Јута едногласно одлучи да ја декриминализира полигамијата кај возрасните лица, објави Би-би-си.
Според досегашниот закон, за секој кој ќе се докаже дека има повеќе од една сопруга, му се закануваше казна затвор до пет години.
Критичарите веруваат дека злоупотребата само ќе се влоши. Новиот закон исто така треба да биде одобрен од Претставничкиот дом на Јута.
Според новиот закон, полигамијата или бракот со повеќе од една сопруга или сопруг ќе се смета за прекршок, како што се оние во сообраќајот.
30.000 луѓе во полигамија
Но, принудната полигамија ќе се третира како кривично дело.
Се верува дека повеќе од 30 000 луѓе живеат во полигамија во оваа држава, пренесува Асошиејтед Прес.
Јута е дом на мормонската црква, која во своите почетоци ја прифатила полигамијата, пред да ја забрани во 1890 година.
Денес, Мормоните го екскомуницираат (исклучување од црковна заедница) секој што практикува полигамија, но многу фундаменталисти од таа религија и понатаму го прават тоа.
Иако бракот со повеќе лица е нелегален според законот во Јута, официјалните лица на таа држава во голема мерка се определија за неказнување доколку истиот се прекрши.
Во 2001 година, полигамистот Том Грин стана првиот маж осуден за брак со пет жени. Тој подоцна беше осуден и за силување малолетничка, бидејќи една од неговите сопруги останала бремена на 13-годишна возраст, пренесува Би-би-си.
The post Во оваа земја во САД 30 000 луѓе живеат во полигамијa, повеќе не е нелегално appeared first on Слободен печат.
