Полицијата во Берлин нареди прекин на протестите на противниците на мерките против пандемијата од коронавирус поради непридржување кон правилата за носење на маски и одржување дистанца, соопшти денеска полицијата преку Твитер.
„За жал не ни преостанува ништо друго: на организаторите на протестот им ја соопштивме одлуката за прекин на протестот зошто досегашните предупредувања не вродија со придржување кон условите за одржување на протестите“, соопшти полицијата преку Твитер.
Откако судот ја укина забраната за протести на противниците на мерките против ширењето на пандемијата од коронавирус што пред неколку дена ја издаде градот Берлин, полицијата објави дека протестот ќе биде толериран единствено ако учесниците се придржуваат кон правилата за дистанца и носење заштитни маски, што меѓутоа не беше случај.
„Правилото за одржување дистанца, и покрај повеќекратното барање преку разгласот, не се почитуваше“, стои во соопштението.
Пред тоа полицијата процени дека бројот на учесници е околу 18.000.
На протест повика иницијативата Вкерденден 711 од Штутгард, но и деснопопулистичката Алтернатива за Германија (АфД).
Демонстраните во Берлин почнаа да пристигнуваат рано утрото, а во колоната можеа да се видат и многубројни знамиња на Русија, Германија но и знамиња на Германското Царство.
Демонстрантите побараа заминување на канцеларката Ангела Меркел и укинување на сите мерки за борба против коронавирус, а носеа и транспаренти со членовите на германската влада во затвореничка облека.
Медиумите јавуваат за „мешана публика“ меѓу протестатните: од цели семејства до припадници на екстремната десница.
Меѓу демонстрантите против мерките за борба против ширењето на заразата досега се уфрлаа припадници на крајната десница т.н. Граѓани на Рајхот, при што се работи за групациите кои го негираат постоењето на СР Германија.
За попладне се најавени и контрапротести, но по забраната на главниот собир пре Бранденбуршката порта под прашалник е доведено нивното одржување.
The post Во Берлин полицијата го прекина протестот против коронамерките (ФОТО) appeared first on Слободен печат.
Во Берлин полицијата го прекина протестот против коронамерките (ФОТО) was first posted on август 29, 2020 at 5:09 pm.
