Прошталната церемонија за еден од најдобрите фудбалери на сите времиња ќе се одржи во претседателската палата на Аргентина, „Каса Росада“. Според најавите се очекува настанот да трае 48 часа и бидат присутни околу еден милион луѓе на церемонијата.
Диего Армандо Марадона ги бранеше боите на Бока јуниорс во периодите од 1981-1982 и 1995-1997 година, во дресот на Барселона (1982-1984 година) и Наполи (1984-1991 година).
Со „наполитанците“ двапати ја освои Серија А, а по еднаш Купот и Суперкупот на Италија, како и Купот на УЕФА, сегашна Лига Европа.
Како играч со репрезентацијата ја освои титулата на Светското првенство 1986 година во Мексико.
А беше и селектор на „гаучосите“ (2008-2010 година). имајќи го во составот исто така еден од најголемите во фудбалската игра, Лионел Меси.
