Скопје синоќа, откако беа воведени новите мерки од Владата за забрана на работата на кафулињата, рестораните и обложувалниците по 18 часот, изгледаше пусто.
Локалите ги почитуваа мерките и беа затворени, а ретко по улиците можеше да се забележи некој граѓанин. За разлика од преку ден кога по улиците има барем малку раздвиженост, скопјани вечерта останаа во своите домови и се држеа до препораките за да се спречи ширењето на коронавирусот.
Засега во државата има девет случаи на коронавирус, а воведени се мерки од Владата на затворање на училиштата, градинките и факултетите, забрана за одржување на собири со над 1.000 лица, како и вчерашните мерки за забрана на работата на кафулињата, рестораните и обложувалниците по 18 часот.
The post Работат светлата и ништо друго: Како изгледаше Скопје првата вечер по новите забрани (ВИДЕО) appeared first on Слободен печат.
