На почетокот на март, кога состојбата во Италија со коронавирусот стана многу тешка, италијанскиот премиер Џузепе Конте воведе карантин во таа земја. Најпрво забрани седење по кафулињата и рестораните поблиску од еден метар оддалеченост и советуваше што помалку движење низ земјата.
Потоа е воведен тотален карантин, по што од дома смееше да се излезе само кога е неопходно, или за на работа или по намирници. Затворени се кафулињата и рестораните, како и речиси сите продавници. Единствено работат пазарите, дуќаните за купување на намирници, аптеките и некои банки.
Инаку, во Италија се заразени над 115.000 луѓе, а речиси 14.000 лица починаа. Фоторепортерите на ЕПА кон средината и крајот на март ги снимија пазарите во Падова.
На фотографиите од крајот на месецот се гледа како долу со лента е означен просторот за потребно растојание, но и како не се придржуваат сите кон тоа. Граѓаните купуваат на отворено, а повеќе од нив не носат маски, иако главно, се многу блиску едни до други, отколку што би требало.
Еве како изгледаше пазарот во Падова кон крајот на март:
The post Погледнете како изгледа пазарот во Падова среде пандемијата, ФОТОГРАФИИ од крајот на март appeared first on Слободен печат.
