Истрагата за убиството на поранешниот шведски премиер Улоф Палме по 34 години конечно заврши.
Државното обвинителство соопшти дека Стиг Енгстром е најверојатно убиецот, но бидејќи тој е мртов, случајот се затвора. Главниот обвинител Кристер Петерсон на прес-конференција одржана онлајн ги објави заклучоците од истрагата.
Улоф Палме на кобната вечер на 28 февруари 1986 година излегол во кино во Стокхолм со својата фамилија, без обезбедување.
Кога излегле од киното, Улоф и неговата сопруга се поздравиле со нивниот син и тргнале накај домот. Тогаш им се доближил напаѓачот и го застрелал Палме во грбот, а со друг куршим ја повредил неговата сопруга Лисбет. Иако минувачите се обидувале да го држат во живот 59-годишниот премиер, подоцна е утврдено дека тој речиси веднаш починал.
Улоф Палме на кобната вечер на 28 февруари 1986 година излегол во кино во Стокхолм со својата фамилија, без обезбедување.
Кога излегле од киното, Улоф и неговата сопруга се поздравиле со нивниот син и тргнале накај домот. Тогаш им се доближил напаѓачот и го застрелал Палме во грбот, а со друг куршим ја повредил неговата сопруга Лисбет. Иако минувачите се обидувале да го држат во живот 59-годишниот премиер, подоцна е утврдено дека тој речиси веднаш починал.
Стиг Енгстром бил меѓу првите сведоци на убиството. Тој работел во осигурителната агенција „Скандија“ која се наоѓала блиску до местото на убиството. Неколку минути откако завршил со работата, премиерот бил убиен, а Енгстром се вратил до чуварот на својата агенција и рекол што видел на улицата. Потоа, тој отишол дома, а неколку дена подоцна повеќе пати бил повикан да сведочи, но неговите искази биле контрадикторни на зборовите на другите очевидци.
На крајот полицијата го тргнала од листата како недоверлив сведок, а во 2000 година тој извршил самоубиство. Години подоцна, Енгстром бил наведен како можен осомничен.
Наводно описот на напаѓачот, каков што дал синот на Улоф Палме, одговарал на изгледот на Енгстром. Тој исто така преку пријатели, имал пристап на оружје со какво бил убиен Палме. Медиумите пишувале дека тој изразувал незадоволство спрема политиката на премиерот.
Но, бидејќи Енгстром е мртов, тој не може да биде обвинет и истрагата затоа ќе биде затворена, соопшти Петерсон.
The post По 34 години случајот конечно решен: Познат убиецот на поранешниот шведски премиер Палме (ФОТО) appeared first on Слободен печат.
По 34 години случајот конечно решен: Познат убиецот на поранешниот шведски премиер Палме (ФОТО) was first posted on јуни 10, 2020 at 11:07 am.
