20.8 C
Скопје
17:48 - 28 март, 2024

„Ова не е политика, ова е криминал”: Илјадници демонстранти во Ерусалим побараа оставка од Нетанјаху (ФОТО)

Илјадници Израелци синоќа демонстрираа во Ерусалим, барајќи оставка од премиерот Бенјамин Нетанјаху, кому му се суди за корупција и е обвинет дека не одговорил соодветно на кризата предизвикана од пандемијата на коронавирусот.

Помали протести се одржаа и во другите делови на Израел и пред куќата на Нетанјаху во крајбрежниот град Цезареја.

На протестот во Ерусалим, демонстрантите се собраа на влезот од градот и се упатија кон резиденцијата на Нетанјаху носејќи израелски знамиња, како и црни знамиња кои се симбол на едно од протестните движења.

Фото: EPA-EFE/ABIR SULTAN

На транспарентите што ги носеа пишуваше „Ова не е политика, ова е криминал”.

Владејачката коалиција на Нетанјаху привремено избегна можен распад оваа недела откако беше договорено со неговиот поранешен ривал, сега коалициски партнер Бени Ганц, гласањето за буџетот да се одложи до декември.

Доколку Ганц и Нетанјаху не успееја да се договорат за одложување на гласањето за буџетот, владата ќе паднеше и Израел ќе имаше четврти општи избори за помалку од две години.

Фото: EPA-EFE/ABIR SULTAN

Кризата предизвикана од пандемијата на коронавирусите поттикнува протести затоа што, по првичниот успех во запирање на ширењето на заразата, Израел премногу брзо ја отвори својата економија во мај, што доведе до нагло зголемување на бројот на заразени.

Во Израел се заразени повеќе од 113.000 луѓе, а бројот на жртвите се доближува до 1.000.

Невработеноста е поголема од 20 проценти, а на протестите учествуваат и луѓето погодени од рестриктивните мерки.

Во меѓувреме, на Нетанјаху му се суди за измама, злоупотреба на доверба и примање мито.

Фото: EPA-EFE/ABIR SULTAN

The post „Ова не е политика, ова е криминал”: Илјадници демонстранти во Ерусалим побараа оставка од Нетанјаху (ФОТО) appeared first on Слободен печат.


„Ова не е политика, ова е криминал”: Илјадници демонстранти во Ерусалим побараа оставка од Нетанјаху (ФОТО) was first posted on август 30, 2020 at 9:25 am.

Слични објави

Франција ја забрани продажбата на Ајфон 12, поради преголемо зрачење

Еспресо

Небото ќе го осветли Нишимура, феномен кој се случува еднаш на 435 години: Вечерва поминува кај нас

Еспресо

(Видео) По слетувањето на Месечината, Индија лансираше ракета за проучување на Сонцето

Еспресо

(Видео) Само 24 пилоти имаат дозвола да слетаат на аеродромот во Бутан

Еспресо

„Зум“ ги враќа своите вработени назад во канцеларија

Еспресо

Среќник од Германија доби 10 милиони евра на „Евроџекпот“

Еспресо
Се вчитува....