Како изгледаат Италија, Шпанија и Грција после карантинот: Полни кафулиња, полицајци мерат температура, редови пред бутиците (ФОТО+ВИДЕО)

– Не работевме два ипол месеци. Ова е прекрасен и возбудлив ден – рече Валентина Казанова, келнерка во едно од кафулињата во центарот на Рим.

Италија вчера излезе од најдолгиот карантин во Европа. Покрај угостителските, почнаа да работат и малопродажните објекти, салоните за убавина, музеите и библиотеките, со почитување на правилата воведени со цел да се спречи ширењето на коронавирусот.

VIDEO | 10 weeks after Masses were first closed to the public in the Vatican and across Italy, pilgrims were able to visit St. Peter’s Basilica again for the first time. Temperature checks were conducted by volunteers before people could enter the security line. pic.twitter.com/9Cbry38eRl

— EWTN News (@EWTNews) May 18, 2020

Се попуштањето на рестриктивните мерки од понеделникот е можна поголема слобода на движењето на луѓето внатре во регионот во кој се наоѓаат и нема да биде потребен формилар за образложение на причината за движење. Според договорот на Римокатоличката црква и италијанската влада, на верниците ќе им биде дозволено да присуствуваат на мисите со обврска да користат маски и да држат физичка дистанца.

Посетителите го преплавија и платото пред Базиликата Свети Петар, првпат од 10. март. Пред да им биде дозволено да влезат во Базиликата, полицајци со маски им мереа температура.

#Venice‘s gondolas are back after Italy relaxes #Covid_19 restrictions – NO COMMENT https://t.co/4NZm6MJopk pic.twitter.com/fR62CgiuL1

— en.AzVision.az (@AzVisionEn) May 19, 2020

Во Венеција гондолиерите, исто така со маска, превезуваа посетители долж Големиот канал.

Првиот работен ден стоковната куќа Икеа во Милано имаше околу 3.000 купувачи кои во долги редови и на многу топло време чекаа влез во продажниот објект.

#19maggio #Milano primo giorno di riapertura, e la gente che fa?https://t.co/lYi6dX87iB
Poi come fai ad aver fiducia nel genere umano?#Covid_19 #IKEA

— bury the #hashtag (@il_rintronauta) May 19, 2020

Дури еден час пред почетокот на работното време се формираше долга редица пред Икеа, а работниците делеа ракавици и шишиња со вода на луѓето кои го чекаа повторното отворање. Првиот работен ден во Икеа повеќе потсетува на ред за влез на концерт, отколку за во продавница, пишуваат италијанските медиуми.

Премиерот на Италија Џузепе Конте го опиша отворањето на земјата како „исклучителен ризик“. И другите европски земји го следеа примерот на Италија. Шпанија најави дека до крајот на јуни ќе им дозволи на туристите влез во земјата, а Полска ќе дозволи отворање на рестораните како дел од својата трета фаза на ублажување на мерки.

Грчкиот Акропол ги дочека своите први посетители. Работниците со маски и ракавици на оваа атинска знаменитост ги потсетуваа посетителите да држат безбедна дистанца. „Туристи“ беа Атињани, со оглед на тоа дека важи задолжителен двонеделен карантин за сите оние што ќе влезат во земјата.

Претседателката Катерина Скеларопу исто така во понеделникот го посети Акропол, каде изјави дека тоа е „светски споменик“.

On the 18th local time, the Greek Acropolis was opened to the public. Some tourists said that they had never seen so few people in the Acropolis, as if they were visiting privately. On the same day, various theme parks in the country were reopened. https://t.co/t1Ci6ijNIq pic.twitter.com/38EYnCIgoL

— shimon coen (@ShimonCoen) May 19, 2020

На Грците им е дозволено слободно да патуваат и да ги посетат двата најголеми острови во земјата, Крит и Евија. Трговските центри и зоолошките градини повторно се отворени, заедно со спортските центри за постари од 13 години. Носењето маски е препорачливо, но не е задолжително, освен во јавниот превоз.

Две третини од Шпанија стигна до втората фаза од отворањето на земјата и ублажување на мерките. Милиони луѓе сега можат да се состанат во групи по 10 и да седат во бавчите на кафулињата и рестораните.

Шпанија ќе го укине двонеделниот карантин за туристи кон крајот на јуни, кога потполно ќе ги отвори своите граници.

Мадрид и Барселона и натаму останаа во прелиминарната фаза на она што владата го нарекува „транзиција кон новата нормалност“. Министерството за здравство соопшти дека, и покрај „огромниот напредок“, престолнината и најголемиот град во Каталонија остануваат во „нулта фаза“ и нема да можат да се приклучат кон остатокот од земјата и укинувањето на мерките.

Катедралите и црквите во поголем дел од Шпанија работат со капацитети од 30 отсто, но најпознатата меѓу нив, Саграда фамилиа во Барселона, останува затворена.

Овој викенд премиерот Педро Санчез соопшти дека владата бара продолжување на вонредната состојба за уште месец дена.