Првите тројца пациенти кои заболеа од коронавирус во Хрватска се негативни на присуството на тој вирус, рече хрватскиот министер за здравство Вили Берош.
Ако и вториот последователен наод кај нив се покаже негативен, тие во рок од 48 часа ќе бидат пуштени на домашна нега, рече Берош.
Првиот случај на коронавирус во Хрватска е потврден на 25. февруари, кај момче кое пристигна од Милано. Подоцна вирусот е потврден и кај неговиот брат.
Иако можноста за зараза е исклучена, училиштето ќе го посетат епидемиолози, истакна Берош и предупреди дека доведувањето на јавноста во заблуда е кривично дело.
На социјалните мрежа се појави и аудио снимка за тоа дека е одлучено Град Загреб да биде во карантин поради коронавирусот.
Портпаролот на Владата Марко Милиќ изјави дека станува збор за лажна информација и ги повика граѓаните да не наседнуваат на неточни и злонамерни објави.
The post Добра вест од Хрватска, оздравеа првите тројца пациенти заразени од коронавирусот appeared first on Слободен печат.
