Скорпијата е знак чиј надворешен изглед ретко ја открива својата бурна внатрешност и жешкиот темперамент. Неговите припадници се таинствени и воздржани, а своето вистинско лице го покажуваат само на блиски личности. Ги краси правичност и голема енергија, а голема мана им е склоноста кон деструкција и автодеструкција. Сакаат хумор, посебно „црн“, провокативнни се и духовити, често цинични и саркастични. Со нив владее Марс, кој им дарувал натпреварувачки дух и издржливост, па добро ги поднесуваат и најтешките услови и удари на судбината. Не се плашат од непознато – колку е помистериозно, толку им е поинтересно.
Меѓутоа, не сакаат промени. Нивните најбурни реакции се случуваат тогаш кога работите ќе тргнат поразлично отколку што замислиле. Им недостасува флексибилност, па наместо да се прилагодат на новите услови, упорно бараат причини и најчесто ги обвинуваат другите.
Кон околината се однесуваат со недоверба, а луѓето ги оценуваат според првиот впечаток. Веруваат во соништа и во моќта на потсвеста, сакаат да истражуваат непознати места и пробуваат нешто што е забрането. Во пријателството како и во љубовта се великодушни, доверливи и лојални. Но многу се одмаздливи, без желба и волја да простат некому кој ги изневерил.
Во младоста се полни со бунт и отпор кон авторитети, често и склони на декаденција и пороци. Не му пристапуваат на животот по туѓи правила, тие се против конвенција, малограѓанство и предрасуди. Сакаат пари, но не се скржави. Ќе му дадат сè на оној кому му веруваат и кого го сакаат.
