8.8 C
Скопје
23:28 - 28 март, 2024

Дали коронавирусот предизвикува стерилитет и дали мажите се позагрозени од жените?

Она што го истакнува докторката е дека тоа не значи дека истражувањето е конечно, затоа што со подобрувањето на целокупната клиничка слика по болеста, може да се решат и проблемите со стерилитетот.

Кај лицата од двата пола кои прележале ковид-19, можноста да остават потомство е драстично намалена, а кај некои не постојат ниту шанси за тоа, покажуваат прелиминарните резултати од студијата на д-р Драгана Бојовиќ Јовиќ, пренесуваат српските медиуми.

Истражувањето спроведено од гинекологот Драгана Бојовиќ Јовиќ, од мај, на мал примерок од 30 жени и 15 мажи кои прележале ковид-19 години, на возраст од 18 до 45 години, според докторката покажува намалени можности за остварување на потомство и стерилитет веднаш по излекувањето од вирусот.

Доктор Бојовиќ Јовиќ, специјалист за плодност, изјави дека кај 10 од 30 пациентки е забележано нарушување во менструалниот циклус по оздравувањето.

– Нарушувањата се драстични, такви што не би можеле да забременат, па дури и да успеат, би следувал абортус. Значи, една третина од жените имаат проблеми со стерилитетот како последица на коронавирусот – смета д-р Бојовиќ Јовиќ.

„Коронавирусот исто така со токсичните ефекти влијае и на репродуктивното здравје на жените. Еден од нив е и намалената сатурација со кислород, односно намалена заситеност на кислород во крвта, кој е неопходен за работењето на сите клетки во организмот“, додала таа.

Докторката вели дека ги следи жените и мажите откако закрепнале од ковид-19. Според нејзините зборови, резултатите кај мажите се полоши.

Од 15-те, колку што учествувале во истражувањето, само еден маж имал добар спермограм.

– Човек кој има деца и имал потполно уреден број сперматозоиди – повеќе од 15 милиони, уредна морфологија (повеќе од 4 отсто сперматозоиди со нормален облик) и имал повеќе од 32 отсто прогресивно подвижни сперматозоиди, сега има 13 милиони од нив, 2 отсто од нормалниот облик и 18 отсто подвижни. Тоа значи дека не може да оплоди јајце-клетка по природен пат, единствено со ин витро. А, ризично е и каква е ДНК на сперматозоидите, затоа што во случај на оплодување, би постоела можност плодот, односно детето, да има аномалии. Последиците од ковид-19 сѐ уште не се согледани, разгледувани на ниво на генетскиот ефект – заклучува Бојовиќ Јовиќ.

Она што го истакнува докторката е дека тоа не значи дека истражувањето е конечно, затоа што со подобрувањето на целокупната клиничка слика по болеста, може да се решат и проблемите со стерилитетот.

За детален и конечен заклучок потребно е поголемо истражување кое трае многу подолго.

The post Дали коронавирусот предизвикува стерилитет и дали мажите се позагрозени од жените? appeared first on Слободен печат.


Дали коронавирусот предизвикува стерилитет и дали мажите се позагрозени од жените? was first posted on август 4, 2020 at 10:19 am.

Слични објави

Франција ја забрани продажбата на Ајфон 12, поради преголемо зрачење

Еспресо

Небото ќе го осветли Нишимура, феномен кој се случува еднаш на 435 години: Вечерва поминува кај нас

Еспресо

(Видео) По слетувањето на Месечината, Индија лансираше ракета за проучување на Сонцето

Еспресо

(Видео) Само 24 пилоти имаат дозвола да слетаат на аеродромот во Бутан

Еспресо

„Зум“ ги враќа своите вработени назад во канцеларија

Еспресо

Среќник од Германија доби 10 милиони евра на „Евроџекпот“

Еспресо
Се вчитува....